Padayon ang pag-abot sang bulig sa mga envacuees nga apektado sang pagbaha sa ciudad sang Bago.
Nagdangat na sa kapin 1,300 ang mga indibidwal nga nag-evacuate bangod sa mga pagbaha sa ciudad.
11 tanan ka mga brgy ang apektado nga ginalakipan sang Barangay Lag-asan, Atipuluan, Napoles, Dulao, Sampinit, Pacol, Balingasag, Busay, Ma-ao, Sagasa kag Malingin.
Sa interview sang Bombo Radyo kay Bernadette Herador, Brgy Health Worker sa Brgy Poblacion, iban sa mga evacuees ang nakapauli na apang kinahanglan nila sang clearance sa brgy kun mahimo nga sila nga makabalik na sa ila nga panimalay.
Samtang, may yara man sang nagpakamaayo nga magtinir na lamang anay sa evacuation center sa kahangawa nga delikado pa ang magpauli.
Padayon naman ang pagdul-ong sang pagkaon sa mga evacuees kag pagmonitor sa ila kun may yara sang nagalain ang pamatyag.
Samtang, magluwas sa mga government agencies may yara man sang sang private sectors nga nagpadangat sang bulig sa mga evacuees.
Suno kay Mark Matte, kaupod sang iya grupo padayon ang ila pagpamutos kag pagpanagtag sang pagkaon sa mga evacuees.
Suno diri, ini na ang masami nila nga ginahimo basta may yara sang mga biktima sang mga kalamidad.
