Ginahikot na sang Bacolod City Government ang Financial Assistance para sa nasunugan sa Purok Lampirong Compound, Barangay 2, Bacolod City sang Marso 5.
Madumduman nga 29 ka mga balay ang nahalitan sang sunog.
Nagdangat naman sa 2nd alarm status ang sunog.
Ang kabug-usan nga kahalitan ang nagdangat lamang sa 1,185 square meters kag ang balor ang ginabanta yara sa P296,250.
Wala man sang may nareport nga napatay ukon nasamaran, luwas sa apat ka mga ido, kun sa diin ang isa ang malala ang sitwasyon.
Sa interview sang Bombo Radyo Bacolod kay Dr. Richelle Verdeprado Mangga, head sang Department Of Social Services & Development, nakahatag na sila hot meals kag pila ka mga kinahanglanon.
Wala man sang nagtinir sa evacuation centers bangud ang mga nasunugan ang nagtinir sa ila nga mga himata.
Ang mga gindonate naman sang mga private organizations ang ila ginatipon sang Social Workers kag ginaturn over properly sa mga nasunugan.
Ang mga fire victims ang naghulam sang folding beds agud nga may tulugan samtang nagatinir sa ila mga himata.
Suno kay Mangga 32 ka mga victims ang ila navalidate nga ginalakipan sang 23 ka totally damage houses, anum ang partially damage, isa ang sharer kag duha ka renters.
Nagdangat sa 109 individuals ang naapektuhan.
Ang alkalde ang naghatag na sang instruction nga maghatag sang financial assistance sa mga fire victims.
Ang totally damage ang makakuha sang P15,000; P10,000 para sa partially damage kag tag P5000 sa sharer kag renters.
Ang kwarta ang gamiton sang mga ini sa ila liwat nga pagpanugod.
Navalidate na sang DSSD ang mga dokyumento kag ginahikot naman ang financial assistance para sa fire victims.
