Hugot nga ginabantayan sa karun ang sitwasyon sang Bulkan Kanlaon bangud sa nagasaka nga unrest activities sini.
Santo sa report nga ginpagwa sang Philippine Institute of Volcanology and Seismology (PHIVOLCS) kahapon, may yara sang narecord nga 45 ka volcanic earthquakes kun ipaanggid sa 30 ka volcanic earthquakes nga narecord sang September 19.
Samtang sang Huwebes, may narecord nga 5,362 tonnes nga ginpagwa sang nasambit nga bulkan nga Volcanic Sulfur Dioxide apang kahapon may yara sang narecord nga 8,932 tonnes nga asupre nga gin-buga sang Bulkan Kanlaon.
Nagapabilin sa Alert Level 2 ang status sang Mt.Kanlaon.
Ginadumilian ang pagsulod sa 4 kilometer-radius permanent danger zone (PDZ).
Suno naman kay Negros Occidental Provincial Disaster Risk Reduction and Management Office (PDRRMO) Head Irene Bel Ploteña may yara na ang probinsya sang naplastar nga contingency plan.
Sunio kay Ploteña, naplastar sa contingency plan ang dapat himuon sang mga otoridad para sa disaster response ingkaso nga maglupok ang Bulkan Kanlaon.
Ginapanugyanan ang mga residente nga mag-aligmat sa tanan nga tion
