Nagdugay sang kapin duha ka oras ang pagbuga sang abo sang Bulkan Kanlaon, kahapon sang aga.
Sa interview sang Bombo Radyo Bacolod kay Darryl Aro, science research analyst sang PHIVOLCS Kanlaon Volcano Observatory sa La Carlota City, Negros Occidental, nag-umpisa ang pagbuga sang bulkan sang abo alas 10:25 ang takna sang aga kahapon kag nag-untat lamang ini sang alas 12:20 ang takna sang udto.
Suno kay Aro, ini ang ikaduha nga ash emission kahapon nga adlaw kun sa diin una nga narecord alas 6:00 ang takna kahapon sang aga.
Ang voluminous plume ang may kataason nga 500 meters sa una nga pagbuga kag 200 meters naman sa ikaduha nga pagbuga sang abo.
Ginpahayag man ni Aro nga ang ash emission sa karun ang bangud saguihapon sa magmatic unrest sang Bulkan Kanlaon.
Nagapabilin sagihapon sa Alert Level 3 ang Bulkan Kanlaon kag wala sagihapon ginapahanugutan ang pagsulod sa 6km extended danger zone.
Padayon naman nga gina-abisuhan ang tanan nga padayon nga mag-aligmat bangud padayon ang mga aktibidad sang Bulkan Kanlaon.
