Liwat naman nga nagluntad ang explosive eruption sa Kanlaon Volcano nga nag-untat sang alas 3:00 ang takna subong nga kaagahon.
Sa interview sang Bombo Radyo Bacolod kay Ptolemy Mañego, Science Research Assistant sang Kanlaon Volcano Observatory, padayon pa ang ila nga pagreview sa ila mga systems agud nga matumod ang plumides sa naglupok nga Bulkan.
Suno kay Mañego nagatipon pa ang mga ini sang data may kaangtanan sa liwat nga paglupok sang Bulkan.
Samtang sa ginpagwa nga report sang Philippine Institute Volcanology and Seismology nagluntad ang moderate explosive eruption sang Bulkan Kanlaon mga alas 02:55 ang takna kaina sang kaagahon nga nagdugay sang lima ka minutos santo sa seismic infrasound data.
Ang paglupok sang bulkan ang may dala nga greyish voluminous plume nga nagtaas sang kilometers halin sa vent sini kag ginpalid padulong sa nakatungdan nga bahin sang bulkan.
Nag-ilig naman ang Incandescent pyroclastic density currents ukon PDCs sa nabagatnan nga slope sa sulod sang duha ka kilometros gikan sa crater base sa visual and thermal camera monitoring.
May naobserbaran naman ang large ballistic fragments sa palibot sang crater nga nagtuga sang pagkasunog sang mga hilamon sa palibot sang bulkan.
Ginreport ang mga ashfall sa Barangay Yubo kag Ara-al sa La Carlota City; Barangay Ilijan kag Binubuhan sa ciudad sang Bago, Barangay Biak na Bato, Sag-ang kag Mansalanao sa banwa sang La Castellana, Negros Occidental kag Barangay Pula, Canlaon City, Negros Oriental.
Nagapabilin sagihapon nga alert level 3 ang Bulkan Kanlaon.
Nagapabilin nga wala sang makasulod sang 63km extended danger zone sang nasambit nga Bulkan.
