Bulkan Kanlaon, liwat nga nagbuga sang abo kagab-i

Makaligad ang pila ka bulan liwat naman nga nagbuga sang abo ang Bulkan Kanlaon.

Sa interview sang Bombo Radyo Bacolod kay Ptolomey Mañego, Science Research Assistant sang Kanlaon Volcano Observatory, nagpagwa naman sang abo ang nasambit nga Bulkan kun sa diin sa nag-umpisa alas 5:55 sang hapon kag natapos alas 6:22 sang gab-i.

Suno kay Mañego, yara sa 75 meters ang kataason sang ginbuga nga abo kag padulong sa West South West nga direksyon.

Suno diri ang Bulkan Kanlaon ang isa ka aktibo nga Bulkan kag nagapadayon ang aktibidad sini.

Nagapanugyan ini sa tanan nga padayon nga mag-aligmat.

Ang Bulkan Kanlaon ang nagapabilin sa gihapon sa Alert Level 2.