Nagbuga naman sang abo ang Bulkan Kanlaon sang abo nagikan sa crater sini kahapon.
Sa interview sang Bombo Radyo Bacolod kay Engr. Mari Andylene Quintia, resident volcanologist sang Kanlaon Volcano Observatory, ang pagbuga sang abo sang Bulkan nagikan sa crater sang Kanlaon Volcano ang nag-umpisa ala-1:38 ang takna sang hapon tubtob sa alas 2:07 ang takna sang hapon kahapon.
Suno kay Quintia ang abo ang nagtaas sang 1,200 meters antes ini ginlupad padulong sa nakatungdan.
Wala man sang reported nga apektado sang ashfall.
Mismong ang IP camera sa Nature’s View (VKNV) sa La Castellana, Negros Occidental ang naka-record sang nasambit nga volcanic activity.
Ang PHIVOLCS ang nagapadayon sa pagmonitor sang aktibidad sang Bulkan Kanlaon apang wala sang may makahambal kun san o ini liwat magalupok.
Nagapabilin sa alert level 3 ang Bulkan Kanlaon kag padayon nga ginapaaligmat ang mga pumuluyo bangud sa aktibidad sang Bulkan Kanlaon.
