Ginpahayag sang sa Science Analyst sang Philippine Institute of Volcanology and Seismology (PHIVOLCS) sa ciudad sang La Carlota, Negros Occidental nga mahimo ipasaka sa Alert Level 3 ang alert status sang Bulkan Kanlaon.
Sa interview sang Bombo Radyo Bacolod kay Darryl Arro, apisar nagapabilin sa Alert Level 2 ang Bulkan Kanlaon padayon ang ila monitoring bangud posible ini nga mapasakaan.
Suno kay Arro, mahimo nga mapasaka sa Alert Level 3 ang status sini bangud nagasaka ang narecord nila nga seismisity kag sulfur emission sang Bulkan Kanlaon.
Suno kay Arro, kun yara na sa Alert Level 3 ang Bulkan Kanlaon, automic may evacuation na kag magalapad sa 6 kilometers ang Permanent Danger Zone sang Bulkan.
Ginpahayag sini nga ang ahensya ang 24 hours nga nagamonitor kag kun ano ang namonitor sang mga ini base man sa monitoring parameters, ipahibalo man nila gilayon sa publiko.
Nagpanugyan man sa publiko nga likawan ang magpalapit sa 4 kilometer Permanent Danger Zone sang Bulkan Kanlaon.
