May yara sang narekord nga gas emission sang volcanic sulfur dioxide (SO2) sa bulkan Kanlaon, kaina, alas- 6:15 sang gab-i.
Dugang pa, may average nga 10 events/day nga volcanic earthquake activity sa bulkan humalin sang naglupok ini sang Hunyo 3.
Sa karun, nagapabilin sa gihapon sa Alert Level 2 ang status sang bulkan.
Gin-abisohan namang ang publiko nga likawan ang pagsulod sa 4 kilometer-radius Permanent Danger Zone (PDZ) para mapahagan-hagan ang risgo kaangay na lamang sang pyroclastic density currents, ballistic projectiles, rockfall kag iban pa.
Ginapahalong man ang pumuluyo sa posible nga ash fall, kasubong man ang mga nagapuyo malapit sa river systems sa southern kag western slopes, ilabi na ang nag-eksperyensya sang lahar kag muddy streamflows.
Padayon sa gihapon ang close monitoring sang Department of Science and Technology- Philippine Institute of Volcanology and Seismology DOST-PHIVOLCS sa Kanlaon Volcano.
