Ginkumpirmar sang resident volcanologist sang Philippine Institute of Volcanology and Seismology (PHIVOLCS) Kanlaon Volcano Observatory nga may yara sang narecord nga tatlo ka ash emissions sa Bulkan Kanlaon kahapon, December 22, 2025.
Una nga narecord alas 09:20 natapos alas 09:38 sang aga; ang ikaduha natabo sang 10:29 tubtob alas 11:07 ang takna sang aga kag ang pinakamadugay ang natabo alas 04:05 ang takna sang hapon kag natapos alas 06:02 ang takna sang gab-i.
Suno kay Aro, ang ginabanta nga nabuga nga abo sang bulkan ang may kataason nga 300 tubtob 900 meters kag ini ang padulong sa northwest nga direction.
Padayon ang koordinasyon sang PHIVOLCS sa mga kalapit nga lugar agud nga mahibaluan kun may reported nga ashfall.
Suno diri, ang natabo nga asod-asod nga ash emissions amo ang bangud sa madugay nga pagpahuway sang Bulkan may yara sang natipon nga pressure sa sulod sini sa kag ginpagwa.
Nagapabilin sa Alert Level 2 ang Bulkan Kanlaon kag hugot nga ginadumilian ang pagsulod sa 4kms Permanent Danger Zone sang nasambit nga bulkan.
