14 ka ash emission ang narekord nga ginbuga sang bulkan Kanlaon santo sa 24 ka oras nga monitoring sang Philippine Institute of Volcanology and Seismology (PHIVOLCS).
Sa interview sang Bombo Radyo kay Ptolemy Mañego, research asisstant sa PHIVOLCS Kanlaon Volcano Observatory – La Carlota Station, may narekord nga 35 ka volcanic ash emission lakip na diri ang 11 ka volcanic tremors.
Suno diri, nagdangat sa 2,413 tonnes per day ang ginbuga nga plume padulong sa West-SouthWest nga dereksyon.
Naeksperyensyahan ang ashfall sa bahin sang banwa sang La Castellana ilabi na sa brgy Sag-ang, Mansalanao, kag Robles kasubong man sa ciudad sang La Carlota apang light ashfall lamang.
Pahayag ni Mañego, yara pa sa alert level 3 ang status sang bulkan kag dako ang tsansa nga magluntad ang mabaskog nga eruption santo sa mga aktibidad nga ginapakita sini.
