Ginpahayag ni Mari-Andylene Quintia sang Kanlaon Volcano Observatory sa La Carlota City nga posible pa nga liwat nga maglupok ang bulkan Kanlaon kasunod sa pag-erupt sini
Sa interview sang Bombo Radyo Bacolod kay Quintia, padayon ang pagsulod sang ashfall reports sa ila nga opisina kun sa diin may yara man sang naeksperyensyahan nga ashfall sa bahin sang Guimaras kag Iloilo.
Suno diri, ang eruption kahapon ang mas mabaskog pa sang sa natabo nga eruption sang Hunyo 3.
Nabatyagan sang mga pumuluyo ang linog kun sa diin nagdangat sa 4,000 meters ang plume nga ginbuga sang bulkan kag ang hangin ang padulong sa west-southwest nga dereksyon.
Pahayag ni Quintia, may magmatic unrest sa bulkan amo nga posible nga maglupok ini liwat.
Nagpanawagan ini sa mga nagapuyo sa 6km permanent danger zone nga mag-evacuate na bangod posible nga may yara sang lava flow, rock falls, Pyroclastic density currents kag lahar flow pananglitan nga mag-ulan.
