Nagpabilin sa alert level 1 ang estado sang Kanlaon Volcano matapos ini magpagwa sang 500 meters nga kataason sang aso.
Sa interview sang Bombo Radyo kay Irene Belle Plotena, focal person sang Provincial Disaster Management Division, nakitaan sang moderate emission sang aso ang Kanlaon volcano kun sa diin nagdangat sa 500 metros ang kataason sang aso.
Suno diri sa karun wala gina-allow ang paglabay sang aircrafts malapit sa bulkan sa posible nga phreatic eruption kag wala na gina-allow ang pagsulod sang mga hikers sa four-kilometer radius sa danger zone.
Gina-abiso sini sa mga tawo nga magsalig lamang sa mga impormasyon nagikan sa mga otoridad kag indi magpati sa mga impormasyon nga nagalapta nga wala sang kamatuoran.
Panugyan sini nga maghibalo sang mga updated nga activities sang Kanlaon Volcano, nga suno diri may yara na sila sang nakahanda nga plano.
Preparado naman ang mga Local Government Units nga naka stand-by.
Sa karun, nagapabilin sa alert level 1 ukon (Low-level unrest) ang estado sang Kalaon Volcano.
