Pagatun-an sang otoridad ang bullet trajectory sa salakyan ni Jail Officer 1 Jayvee Jayson Vargas nga gin-ambush sa Purok Katipunan, Brgy. Cabug, siyudad sang Bacolod sang Biyernes sang gab-i.
Sa interview sang Bombo Radyo Bacolod kay Bacolod City Police Office Spokesperson Police Lieutenant Colonel Ariel Pico, patigayunon ang bullet trajectory agud ma-examine ang salakyan.
Santo sa nauna nga imbestigasyon, sa ulo ang kalabanan nga igo ni Vargas.
Nagmando si BCPO Director Police Colonel Henry Biñas nga tutukan sang Police Station 9 ang tanan nga anggulo sa krimen.
Ini ang kaangay sang gina-alegar kaangtanan sang Jail Officer sa illegal nga droga; nature sang iya trabaho; negosyo kun sa diin may yara sila sang manukan; kag personal grudges.
Wala ginadula sang BCPO nga dako nga grupo ang nag-ambush kay Vargas.
Madumduman nga nagasakay sa tatlo ka motorsiklo kag duha ka pribado nga salakyan ang mga suspetsado nga nagpaarak sang luthang sa pick-up nga ginamaneho sang biktima.
