Aminado ang presidente sang Bacolod City Fireworks and Pyrotechnic Association nga dako katama ang deperensya sang kadamuon sang mga manugbakal sang palupok sang 2019 kun ikumparar sini nga tuig.
Sa pagtsekyar sang Bombo News Team sa Bacolod Firecracker Zone sa Reclamation Area, ginpahayag ni Ryan Villaruz nga sang tinalikdan nga tuig, petsa 30 pa lang madamo na nga mga manugbakal ang nagadinaguso samtang sa karun, nagaamat-amat pa lang ang ini kadto.
Suno sa iya, 1/3 ukon ¼ lang sang nagligad nga populasyon sang mga manugbakal ang may yara subong bangud limitado ang giho sang mga tawo tuga sang COVID pandemic.
Suno kay Villaruz, alas 6:00 ukon alas 7:00 sang gab-i masami sila nga nagasira apang kun may mga luyag pa nga magbakal, nagahulat sila sang gamay nga inoras agud makabawi-bawi man baligya.
Nagnubo man sang 35% ang numero sang mga manugbaligya sang firecrackers bangud kun sang una nagdangat sila sa 70, sa karun may yara na lang sang 46 ka mga vendors.
Nagpasalig man si Villaruz nga hugot nga gina-implementar ang health protocols, may handwashing area sa lugar, may mga tanod nga nagabantay kag may mga firetruck nga nakastandby.
Sa ila mga baligya, ginpakigbahin sini nga ang Magic Wand ang pinakamabakal bangud safe ini para sa mga kabataan kag nagabalor sang P250 ang isa ka box nga may unod napulo tanan ka mga metal bar
