Bureau of Animal Industry, plano nga mag-import sang mas madamo nga meat products sa Pilipinas

Nagaplano ang Bureau of Animal Industry (BAI) nga mag-import sang mas madamo nga meat products subong nga tuig bangud sa pagpanghangkat sa supply sang karne sa pungsod kasunod sang epekto sang African Swine Fever (ASF).

Sa ulihi nga report sang ahensya, ang volume sang imported meat ang nagsaka sang 7.8 percent ukon 757.3 million kilograms sa nauna nga pito ka bulan subong nga 2024 halin sa 702.24 million kgs sa pareho man nga period sang tinalikdan nga tuig.

Sa monthly basis, ginpahayag sang BAI nga nag-import ang Pilipinas sang 109.55 million kilos sang karne sang Hulyo nga mas manubo sang 1.72 percent.