Gin-athag sang Bureau of Customs (BOC) nga ang pagka-atrasar sa rice shipment ang indi bangud sa congestion sa Manila ports kundi sa nakapending nga requirements nga kinahanglan sundon sang consignees.
Ini ang pahayag sang BOC matapos sang nagkalain-lain nga concerns nga mahimo makaapekto sa presyo sang bugas ang delays bangud wala pa nila napa-gwa ang rice shipments.
Suno sa ahensya, nakahanda naman nga i-release ang rice shipments sa oras nga matapos sang mga consignees ang ila mga responsibilidad.
Suno sa BOC, yara sa Port of Manila sa gihapon ang 258 ka shipping containers nga may mga bugas kag 237 diri ang clear na nga marelease bangud nabayaran na ang duties kag taxes samtang ang nabilin nga 21 ka containers ang ginaproseso pa agud nga ma-clear matapos i-presentar ang Goods Declarations sang Biyernes.
Samtang, 630 ka rice containers ang nagapabilin sa Manila International Container Port kun sa diin 492 na ang clear na nga marelease samtang ang 138 ka iban pa ang nagapabilin nga naka-pending.
