Mas ginpasanyug pa sang Bureau of Fire Protection (BFP) – Bacolod ang ila trabaho sa kritikal area kag pagmonitor sa ciudad.
Sa interview sang Bombo Radyo Bacolod kay Fire Chief Inspector Stephen Jardeleza, gamit ang firetrucks, ila ginalibot ang ciudad agud mamonitor ang mga hitabo sa karun nga nagahilapit na lang ang pagselebrar sang bag-ong tuig.
Suno diri, hugot nila nga ginapahanumdom sa mga pumuluyo nga maghalong sa pagselebrar sang bag-ong tuig.
lla pagabantayan man ang tatlo ka area sa ciudad sang Bacolod para sa pagsalubong sang 2024, amo ang Bacolod City Government Center, Bacolod City Plaza kag Singcang -Airport.
Pahayag ni Jardeleza, bantayan ang mga kabataan kun may yara man sang palupok.
Nagapasalig man sini sa pumuluyo sang ciudad nga naka-high alert na sila inkaso nga may insidente nga magluntad.
