Nakafull-alert na ang Bureau of Fire Protection para sa obserbasyon sang Semana Santa.
Sa interview sang Bombo Radyo kay Fire Chief Inspector Rodel legazpi, Provincial Director sang BFP Negros Occidental, nakadeploy na sila sang personnel para sa siguridad sang pumluyo sa byahe sa mga ports, terminals kag simbahan para sa Semana Santa.
Suno diri, bangod nga malawig ang holiday, madamo sang magapauli sa tagsa nila ka lugar gani ini naman ang tion para sa BFP nga magbalik sang serbisyo para sa pumuluyo sa siyudad kag banwa.
Pahanumdom sini sa mga pumuluyo nga mangin aktibo kag seryoso sa seguridad sang fire safety.
Mensahe ni Legazpi, tsekyaron ang balay kun ini ang bayaan nga wala sang tawo, ilabi na ang mga wires kag kuryente.
Kag sa mga naga amit sang kandila, mangin mature kag tudluan ang kaupod sa balay sang mga dapat nga tandaan kag halongan.
Pahayag ni Legazpi, ang kalayo ang makabulig kun magamit sang insakto apang kun indi ini makontrolar, ini naman ang delikado.
