Nagpaandam ang Bureau of Immigration (BI) batok sa isa ka scam nga nagatanyag sang visa processing para sa mga foreigners nga may tinutuyo sa pagsulod sa Pilipinas.
Suno kay Bureau of Immigration spokesperson Dana Sandoval, ang mga scammers ang nagapakilala bilang officers sang nasambit nga ahensya ang una nga namonitor sa Australian social media group chat.
Suno kay Sandoval, ginatanyagan sang mga scammers ang mga foreigners sang entry visa para sa Pilipinas.
Ginapahayag man nga kinahanglan ang mga ini nga magbayad sang P20,000.
Ginhatagan man ang mga ini sang order gikan sa Bureau of Immigration apang may nakabutang sa idalom nga Consulate General of the Philippines, suno kay Sandoval isa ini ka dako nga red flag bangud ang magkatuhay ang duha ka ahensya.
Suno sa opisyal sang Bureau of Immigration (BI), ang mga foreign nationals nga luyag mag-apply sang visa ang dapat mangin vigilante sa nagapakilala nga empleyado sang immigration nga nagagamit sang ila nga personal bank accounts kag not government accounts para sa transaksyon.
