Bureau of Internal Revenue, suportado ang VAT exemption para sa mas madamo nga mga bulong

Nagpasalig ang Bureau of Internal Revenue (BIR) nga padayunon ang pagsuporta sa mas madamo nga mga bulong nga i-exempt sa Value-Added Tax (VAT).

Sang tinalikdan, may mga bulong sa cancer, diabetes, kag mental illnesses nga gindugang sa exempted sa sini nga buwis.

Suno kay BIR Commissioner Romeo Lumagui Jr., dako na ini nga bagay para sa mga Pilipino kag makabulig gid ilabi na sa mga nagamasakit.

Ginpahayag sini nga magapadayon sila sa pagsuporta sini nga programa apisar nga buhin man ini sa tax collection.

Una na nga ginpahayag sang ahensya nga ang dugang nga exemptions nga ila ginaaprubahan ang kasunod man sa updated list sang VAT-exempt products nga halin sa Food and Drug Administration.