May yara na sang bag-o nga nagapungko nga spokesperson ang Bureau of Jail Management and Penology (BJMP) Regional Office 6.
Sa interview sang Bombo Radyo Bacolod kay Jail Senior Inspector Mark Malhabour, padayunon lamang sini ang mga programa sang BJMP-6 nga ginrelay sa iya ni Atty. Jairus Anthony Dogelio.
Suno kay Malhabour, magluwas nga ini ang spokesperson sang BJMP 6 siya man ang pinuno sang community relations santo sa instruction sang regional director sang nasambit nga ahensya.
Suno diri, ang community relations ang magarepresentar sang BJMP regional office 6 sang mga activities kag magpromote man sang awareness sa publiko sang mga serbisyo sang BJMP.
Paagi man sa pagpromote sang awareness sang serbisyo sang ahensya makakuha man sila sang nagkalain-lain nga service provider agud nga makahimo sang ila mandato.
Si Malhabour ang nagpungko Jail warden sang Dumangas District Jail kag antes nangin spokesperson siya ang chief legal sang BJMP regional office.
