Yara na sa masobra P17 trillion ang kabug-usan nga utang sang Pilipinas.
Suno sa Bureau of Treasury (BTr), ang nasambit nga numero nabalhag sadtong Hunyo kun sa diin ini ang bangud sa mataas nga local borrowing para sa fiscal shortfall.
May na-record nga 2.1 percent kada bulan nga pagsaka sa utang sang pungsod tubtob naglab-ot sa P17.27 trillion nga bag-o nga record high.
Dugang pa sang Bureau of Treasury nga sa umpisa sang tuig ang utang nagtaas sang 7.6 percent ukon P1.2 trillion.
Base sa datos sang ahensiya, ang domestic borrowing nagtaas sang 1.4 percent ukon katumbas sang P11.95 trillion.
Samtang ang external debt nagtaas sang 3.5 percent ukon katumbas sang P5.32 trillion.
Gindula naman sang Bureau of Treasury ang kahangawa sang publiko sa pagpasalig nga apisar nga nagtaas ang utang, nagapabilin nga sustainable sa gihapon ang gobyerno.
