Nakuha sang 49-anyos nga atleta gikan sa Aruba, Venezuela ang iya ika-10 Guinness World Records title matapos mabutong ang isa ka bus nga may kalayuon nga 65 feet gamit lamang ang iya nga liog.
Gingamit ni Egmond Molina ang kalat nga nakahikot sa iya nga liog agud mabutong ang 21,737-pound nga bus kag ginkumpirmar sang Guinness World Records nga opisyal niya nga nalapawan ang rekord para sa pinakamabug-at nga salkayan nga nabutong gamit ang liog sang Enero 9.
Ang anay rekord nga 17, 769.26 pounds ang gina-uyatan sang Ukrainian nga si Dmytro Hrunskyi sang 2024.
Suno kay Molina, indi hapos ang iya ginhimo bangud kinahanglan niya magpokus samtang nabudlayan siya sa pagginhawa kag sa tuman ka bug-at.
Kalakip sa nauna niya nga Guinness World Records titles amo ang fastest 20-meter bus pull gamit ang isa ka tudlo sa sulod sang 33.32 seconds; 20-meter tram pull gamit ang unto sa sulod sang 39.9 seconds; hot water bottle burst sa sulod sang 2.87 seconds; kag ang crown cap bottles gamit ang mga kamot sa sulod sang 30 seconds.
Ginahalad ni Molina ang iya nga kadalag-an sa iya mga bata nga sanday Nigel, Egmond Junior, Benjamin, kag Adelinda, kasubong man sa mga kabataan sa Aruba.
