Preparado na ang mga bus terminals sa ginalauman nga pagdagsa sang pasahero para sa Semana Santa.
Sa interview sang Bombo Radyo kay Jade Marquez, media relations officer sang Vallacar Transit Inc, ginatsekyar gid ang mga units kun bala road worthy ang mga ini kasubong man nga ginatsekyar ang ikaayong lawas sang mga drayber kag konduktor kun bala fit sila sa pagbyahe.
Suno diri, may mga police personnel nga nakastandby para maghatag sang seguridad sa terminal kag may medical team man kun may pasahero nga maglain ang pamatyag.
Suno kay Marquez, normal ang byahe sa karun kag wala dapat sang ikabalaka ang mga pasahero.
Nagpasalig man ini nga supesyente ang numero sang units apang kun magakinahanglan sang dugang, may yara sila sang available nga unit.
Sa karun normal pa lamang ang kadamoon sang pasahero apang ginalauman nga sa masunod nga semana amat-amat nga magadagsa ang pasahero.
