Ginpatigayon na sang Business Permits and Licensing Office (BPLO) sang Bacolod City ang kickoff sang business one-stop shop (BOSS) sa ciudad sang Bacolod sang Enero 2.
Sa interview kay BPLO head Stela Rose Rayos, gina-engganyo sang mga ini ang businesses nga magproseso sang renewal sang ila permits ukon new registration agud nga makaavail sila sang incentive.
Suno kay Rayos, ang business one-stop shop nga ginpahamtang sa Bacolod City Government Center (BCGC) lobby ang nagacater sang business renewal kag new registration applications para sa mas mahapos kag mas dasig nga transaksyon.
Samtang ang 10 percent discount nga ihatag sa mga businesses nga nagcomply sang ila nga registration antes ukon sa January 20 ang nakasaad sa idalom sang City Ordinance No. 565, ukon ang Revised Revenue Code sang Bacolod City nga nagacover sang administrative provisions para sa pag-issue sang mayor’s permits.
Ginpahanumduman man ni Rayos ang mga negosyante nga ang una nga step para sa BOSS ang mag-apply online.
Suno diri, ang indi makahibalo ang mahimo nga magbisita sa BCGC, Government Service Express sa SM City kag Bacolod Express Service Office (BESO) sa Ayala Capitol Central Malls bangud may yara sang mga staff nga naassign nga mag-assist sa ila sa online service.
Dugang pa sini, may yara man sila sang mga links nga ginahatag sa mga nagaproseso agud nga matrack kun ano pa ang kulang sang mga ini nga certificates.
May mga QR codes man agud nga masiguro nga indi peke ang nakuha nga business permit bangud may mga negosyante nga nagabayad nalang sa mga magaproseso sang ila nga permits.
