BACOLOD CITY-Nagsaka sang 7% ang business registration sa ciudad sang Bacolod matapos ang duha ka bulan nga pagpatigayon sang business one-stop shop nga nagsugod sadtong Enero 2 tubtob Pebrero 29.
Suno kay Stella Rose Rayos, pinuno sang Permits and Licensing Division, nagdangat sa 20,953 ang mga nagpa-rehistro nga negosyo sa Bacolod sini nga tuig nga mas mataas kun ipaanggid sa 19,572 sa kapareho nga period sang 2019.
Suno kay Rayos, dako ang nabulig sang pagpasirado sa mga negosyo kag establisyemento sang nagligad nga tuig nga naga-operate nga wala sang business permit sa pagsaka sang business registration subong nga 2020.
Dugang pa sini nga humalin sang Marso 2 ginhatagan na sang 25% nga surcharge ang mga ulihi proseso sang ila business permit.
