Bangud indi pa kumpleto nga makabukas ang mga negosyo sa syudad kadungan sang pagpatuman sang general community quarantine subong nga adlaw, nagahingyo ang business sector sa syudad nga kun may nabilin pa nga kuarta, buligan anay ang mga displaced workers bangud sa COVID-19 pandemic.
Sa interview sang Bombo Radyo Bacolod kay Metro Bacolod Chamber of Commerce and Industry (MBCC) Chief Executive Officer Frank Carbon, indi pa sila mahimo nga makabukas sang bug-os bangud 50 porsyento lang ang ginapahanugutan nga magbukas kag indi pa nila mapabalik ang tanan nga mga empleyado gani nagahingyo sila sa syudad nga magtanyag sang ubra para sa mga displaced workers kag bayaran, kaangay sang pagpalimpyo sang canal agud indi magtambak ang basura nga isa sa ginatunaan sang pagbaha, pagkaayo sang mga atop sang mga merkado nga mga nagatinulo sa tion nga mag-ulan kag iban pa.
Suno sa iya, ang gobyerno lang anay ang maghimo sang tikang agud nga mabuligan ang mga nadulaan sang ubra bangud sa pandemya.
Suno kay Carbon, maayo naman ini kun magbalik na ang ekonomiya bangud mauntat naman ang paggasto sang gobyerno.
