Nagakadapat gid nga masolusyunan ang problema sa kagutom kag kapigaduhon sa pungsod paagi sa paglab-ot sang food security.
Suno kay Frank Carbon, Chief Executive Officer sa Metro Bacolod Chamber of Commerce and Industry (MBCCI), dapat nga may yara sang nakaigo nga nutritious nga pagkaon nga ginakaon ang mga kabataan kag ini ang isa ka seryoso nga problema.
Suno kay Carbon, ginalantaw sini nga ang mga kabataan ang mangin maluya sa ulihi kun indi masustansya ang pagkaon nga ginakaon.
Ginpahayag pa sini nga mangin mahina man sa pagpanumdom ang mga kabataan bangud indi masustansya nga pagkaon ang ginakaon sang mga ini ukon mga malnourish ang mga ini.
Gin-athag man ini sang una pa nagaexister na ang programa sang gobyerno agud nga mapagahan-hagan ang kagutom kag kapigaduhon, apang mahimo nga wala lamang napatuman sang maayo bangud wala man ginbutangan sang maayo nga tawo nga makainstindi kun paano magpalakat sang programa.
Dapat subong nga liwat ini nga ginpanawagan sang gobyerno nga suportahan ang programa dapat mamanage na sang maayo agud nga indi magdangat sa panahon nga maglala ang problema sa kagutom kag kapigaduhon.
