Nag-ayo ang business sector sa ciudad sang Bacolod sang extension sang Business One Stop Shop.
Sa interview sang Bombo Radyo Bacolod kay Metro Bacolod Chamber of Commerce and Industry chief executive officer Frank Carbon, nagsulat ini kay Bacolod City Vice Mayor El Cid Familiaran nga acting city mayor sa karun, nga kun mahimo ma-extend tubtob sa Marso 31 ang pagprocess sang business permit kag pagbayad sa first quarter sang business tax.
Suno diri, kun may extension wala man sang kapierdehan diri ang ciudad kag ini ang makahatag pa sang dugang nga negosyo kag trabaho sa tawo.
Pahayag ni Carbon, kaangay na lamang sa pagpasira sa isa ka kilala nga dako nga fastfood chain sa ciudad bangod nga may kulang sa BFP permit nga nagresulta sa pagkadula sang trabaho sang pila ka empleyado kag pag-untat sa pag-operate sang dako nga negosyo.
Dugang pa ni Carbon, mas maayo nga palawigon ang Business One Stop Shop matapos nga nakita sini nga damo pa gid sang nagahingagaw sang process.
