Dakop ang maglive-in partner matapos nga makuhaan sang illegal nga druga sa ginpatigayon nga buybust operation sang Bacolod City Police Station 5 sa Capitol Subdivision, Barangay Granada, Bacolod City kagab-i.
Ginkilala ang mga nadakpan nga sanday Zaldy Tarug alias Kid, isa ka high value individual kag Jessa Quillan, isa ka street level individual.
Nakuha sa paghinakop sang mga ini ang kapin 68 gramos sang suspected shabu kag may standard drug price nga PHP 584,800.00.
Sa interview sang Bombo Radyo Bacolod kay Police Major Joery Puerto, station commander sang Bacolod Police Station, lunsay nakaagi priso ang maglive-in sa kaso nga paglapas sa RA 9165 ukon Comprehensive Dangerous Act of 2002.
Suno kay Puerto si Tarug ang napriso sadtong 2015 matapos madakpan sang Philippine Drugs Enforcement Agency (PDEA) kag nakagwa sang 2021 samtang si Quillan ang nadakpan sang 2021 kag nakagwa sang 2022 kag lunsay nakagwa bangud sa sa plea bargaining agreement apang liwat nga nagenggage sa transaction sa illegal nga druga.
Sang nakaligad pa nga Nobyembre 2023.
Ginapahayag nga ang contact ni Tarug sa transaction sang illegal nga druga sa sulod sang prisuhan.
Nakahunong na ang duha sa Bacolod Police Station 5.
Magapangatubang sang kaso nga paglapas sa section 5 kag 11 sang RA 9165 ukon Comprehensive Dangerous Act of 2002 si Tarug samtang si Quillan naman ang mangatubang sang kaso nga paglapas sa section sang sang RA 9165 ukon Comprehensive Dangerous Act of 2002.
