Ginkompirmar sang pinuno sang Coast Guard-station Negros Occidental nga nagbalik na ang biyahe sa Bacolod-Iloilo matapos ginbatak ang signal number 1 sa Negros Occidental kag Iloilo nga dala sang Bagyong Vicky.
Sa interview sang Bombo Radyo Bacolod kay Commander Ludovico Librilla, sang nabaton nila ang advisory nagikan sa PAG-ASA kahapon sang aga, naghatag ini sang instruction sa mga coast guard-sub stations nga wala na sang typhoon kag nagcoordinate man sila sa shipping lines bilang pahibalo nga mahimo na ang mga ini nga magresume sa biyahe.
Suno kay Librilla kun may storm signal pa ang Luzon indi pa makabiyahe ang mga passenger vessel nagikan didto apang ang biyahe padulong sa Luzon nagikan sa Bredco port ang mahimo na nga maglayag.
Nagpanugyan si Librilla sa mga magagmay nga mga mangingisda nga obserbahan anay ang dagat antes magpalawod agud masiguro man ang safety.
