Nagresume na ang tanan nga byahe sang barko pasulod kag pa gwa sa probinsya sang Negros Occidental kaina sang aga.
Sa interview sang Bombo Radyo Bacolod kay Coast Guard Northern Negros Occidental Spokesperson Lt Jr Grade John Hofer Olis, alas- 8:00 kaina sang aga, duha lang ka pantalan ang nagresume sang byahe nga iya sang Bacolod kag Escalante apang alas- 9:00 sang aga, tanan na nagresume sang byahe.
Suno diri, 118 ka mga salakyan ang nastranded kahapon kag madamo gid sang pasahero ang nastranded bangod humalin sang tigkalalag iban wala nakabyahe sang ginkansela ang byahe sang Lunes.
Subong nga adlaw, ginlauman nga madamo sang mga pasahero ang magabyahe sa mga fullyboked nga pantalan.
Samtang, ginpahanugotan naman ang mga mananagat nga makapalawod apang nagpaandam man ini sa gihapon nga maghalong.
