Nagbalik na ang biyahe sang tanan nga sea vesels nga nagabiyahe sa Bacolod kag Negros Occidental padulong sa Iloilo kag Cebu.
Kahapon gin-cancel ang biyahe sang bangud sa epekto sang Bagyo Opong.
Kahapon nagdangat man sa 302 ka individuals ang nastranded sa mga pantalan antes pa man nga nagresume ang biyahe sang mga barko.
Una na nga ginpahayag ni Lieutenant Junior Grade Jesa Pauline Villegas, deputy station commander sang Coast Guard Station Northern Negros Occidental nga padayon ang pagmonitor nila sa sitwasyon kag magabalik man ang biyahe sa tion nga magkanay na kag indi na apektado sang Bagyo ang Bacolod City kag probinsya sang Negros Occidental.
Wala man ini nag-untat sa pagpahanumdom sa mga manugpangisda nga indi magpadulong sa lawod kun malain ang panahon kag nag-abiso man sa tanan nga mag-aligmat.
