Byahe sang barko sa Northern Negros Occidental, nagresume na

Nagresume na ang byahe sang barko sa Northern Negros Occidental.

Sa interview sang Bombo Radyo Bacolod kay Lt Junior Grade John Hofer Olis, spokesperson sang Coast Guard Station Northern Negros Occidental, alas- 8:00 kaina sang aga nagresume na ang byahe matapos nga ginkansela bangod sa bagyo TINO nga ginsundan sang bagyo UWAN.

Suno diri, nagresume naman ang byahe sa southern Negros apang ang byahe sa Pulupandan padulong sa Guimaras wala anay ginresume bangod sa dalagko nga balod kag indi kasarang ang ila mga sakayang pandagat.

Samtang, ginapahanugotan na ang pagpalawod apang hugot nga ginapahalongsa gihapon ang mga mananagat.