Wala sang pagbag-o sa schedule sang biyahe sang Vallacar Transit Incorporated subong nga Semana Santa.
Sa interview sang Bombo Radyo Bacolod kay Jade Marquez, media relations officer sang Vallacar Transit Incorporated, regular kag wala sang pagbag-o sa schedule sang biyahe sa mga bus ilabi na sa Hwebes kag Biyernes Santo.
Suno kay Marquez, samtang may pasahero magapadayon sila sa pagbiyahe.
Suno diri wala man sila nagdugang sang ila bus units bangud sufficient man ang bus units nga nagabiyahe sa probinsya.
Aminado man ini nga madamo na ang ila nga pasahero bangud madamo na sang mga nagapauli sa tagsa-tagsa ka mga lugar para sa obserbasyon sang Semana Santa.
Suno diri, ang mga schedule sang ila biyahe ang nakaposts man sa ila fb page nga Vallacar Transit Incorporated -Bacolod South Branch kag Vallacar Transit Inc-Bacolod North Branch.
Gin-athag sini nga wala sila sang patigayunon nga untat biyahe sa maabot nga Biyernes.
Nakadepende man sa routa ang ila nga schedule sang biyahe gani ginaengganyo ang tanan nga magbisita sa ila mga fb pages agud nga may giya sang ila nga schedule sang biyahe.
Ang mga dash cameras sang ila mga bus units ang ginasiguro nga nakainstall agud nga masiguro kag matsekyar ang dalagan sang biyahe sang mga buses.
