-- ADVERTISEMENT --
Nalakip sa Executive Order 004-A Ammendments nga ginpagwa ni Iloilo City Mayor Jerry Treñas kahapon ang pagrequire sang negative RT-PCR test result sa mga byahero nga nagikan sa Negros Island lakip na ang Bacolod City.
Sa EO sang alkalde, ginpahayag sini nga apisar nga fully vaccinated, partially vaccinated ukon unvaccinated man ang isa ka persona nagikan sa Negros, kinahanglan sini gihapon nga magpresentar sang negative RT-PCR test result nga ginkuha 72 hours antes ang byahe, S-PASS, vaccination card sa mga bakunado kag government ID.
Samtang, kanselado man ang byahe sang mga fast craft vessels humalin Bacolod to Iloilo vice versa bangud wala sang pasahero.
Nagapadayon naman ang byahe sang Roro vessels padulong kag nagikan sa Iloilo.
