Nagresume na kaina ang byahe sang mga barko nga nagalayag San Carlos padulong sa Toledo Port.
Sa interview sang Bombo Radyo kay Coast Guard Wilmar Dolorfino, commander sang Coast Guard Sub-Station San Carlos, 55 ka mga indibidwal ang nastranded sa San Carlos kahapon kag amo man ang walo ka rolling cargo nga suno diri wala naman sang unod nga perishable goods.
Suno diri, ginkanselar ang byahe kahapon bangod dalagko ang balod sa bahin sang Toledo port rason sang mabudlay nga pagdungka sang barko.
Apang, alas-10:00 kaina sang aga, nagresume na ang byahe sang mga barko.
Wala naman sang na-record nga maritime incident ukon casualties bangod sa mainulanon nga tiyempo kag mabaskog nga balod sa baybayon.
Sa interview sang Bombo Radyo kay Commander Jansen Benjamin, operations officer sang Philippine Coast Guard Western Visayas, sarang na nga makapadagat ang mga mamamangka.
Wala naman sang stranded nga pasahero nga ila naman gin-akomodar.
Suno diri sa ila nga assesmnet sa kabilogan nga western visayas, wala sang narecord nga maritime incident ukon casualty.
Apang pahanumdom sini sa mga manugdagat nga magdala sang salbabida kag cellphone nga siguradahon lang nga indi mabasa para nga maka contact sila kun may magluntad nga insidente.
Kanselado naman ang byahe sang mga barko nga nagalayag Cadiz padulong Bantayan, Cebu.
Sa interview sang Bombo Radyo kay Chief Pettty Officer Joel Taganile, commander sang Coast Guard Sub-station Cadiz, mabaskog ang balod kun sa diin stranded ang napulo ka pasahero apang ini naman ang nagpauli sa tagsa ka malapit nga puluy-an.
