Ginpahayag sang convenor sang Council of Concerned Citizens nga wala natapos sa pagmartsa ang ang pagpakigbato sang mga ini batok sa korapsyon.
Sa interview sang Bombo Radyo Bacolod kay Atty Renecito Novero, ang ila nga kampanya batok sa korapsyon ang wala natapos sa pagmartsa bangud kinahanglan nga may mapriso nga individual nga responsable sa korapsyon.
Una nga ginpahayag ni Novero nga siya mismo ang nagsumiter sang report sang C3 sa ICI, tatlo ka opisina sa Senado, kag Department of Public Works and Highways central office.
Ini ang una pa lamang nga bahin sang ila investigation report nga kaupod ang mga reklamo sang mga pumuluyo angot sa malala nga pagbaha sa Bacolod City.
Pasalig sini nga sa padayun nila nga imbestigasyon, malauman nga sa masunod may mga pasakaan na sang kaso administratibo kag kriminal.
Suno sa anay konsehal indi pa matumod ang individual nga ginpasakaan sang kaso apang maabot ang tion nga mahibaluan gid ini sang publiko.
Panindugan sini nga indi dapat matapos sa imbestigasyon lamang ang ginahimo sang gobyerno bangud kinahanglan nga may yara gid sang mapriso agud nga mangin halimbawa.
Ini ang pagpakita man nga ang mga pumuluyo ang indi na maka-agwanta sa nagakatabo nga korapsyon sa pungsod.
