Nagpatigayon ang Cadiz City Fire Station sang inspection sa mga eskwelahan sa Cadiz City Proper pila ka adlaw antes ang May 12 midterm elections.
Sa interview sang Bombo Radyo Bombo Radyo Bacolod kay Fire Inspector Archie Españo, Fire Marshal sang Cadiz City Fire Station, nagpatigayon sila sang inspection sa mga eskwelahan sa proper sang ciudad nga ginalakipan sang Dr. Vicente F. Gustilo Memorial National High School kag MJ Escalante Elementary School.
Suno kay Españo nagpatigayon man sila sang inspection sang Pebrero kun sa diin isa man sa ila nga gin-inspection ang opisina sang Commission on Elections sa ciudad.
Suno sa Fire Marshal nagconvene man sila kaupod ang COMELEC kag didto ginhatag ang mangin role sang BFP sa patigayunon nga piniliay sa May 12, 2025.
Ginpahayag man sini nga may yara sila sang deployment sa Dr. Vicente F. Gustilo Memorial National High School kun sa diin may yara sang ibutang nga isa ka fire truck.
Samtang ang isa ka fire truck ang magapabilin sa Cadiz City Fire Station.
Gin-instructionan naman sini ang mga personnel nga bulos bulos lamang sila sa ila post agud nga magboto.
Ang mga eskwelahan compliant man sa pagsulundan kag ginpasecure man sini sa safety officer sang mga eskwelahan ang mga linya sang kuryente.
Nagpanugyan man ini sa tanan nga mga pumuluyo nga iunplug ang mga appliances kag siguruhon ang mga linya sang kuryente agud nga makalikaw sa pagluntad sang sunog.
