Indi gihapon magbaton ang Cadiz City, Negros Occidental sang locally stranded individuals sa Nobyembre 21 bisan gin-aprubahan sang Regional Inter-Agency Task Force on Infectious Diseases ang moratorium nga ila ginhingyo.
Ang orihinal nga hingyo sang Cadiz City amo nga iextend ang moratorium tubtub sa katapusan sang bulan apang Nobyembre 15 tubtub 20 lang ang gin-aprubahan sang RIATF.
Sa interview sang Bombo Radyo Bacolod kay Cadiz City Mayor Salvador “Bading” Escalante, wala sang masugat sa mga LSI sa puerto ukon airport bangud infected man ang mga personnel nga assigned sa pagsugat.
Suno diri, nagpositibo sa COVID testg ang 10 sa 15 ka mga frontliners kag manugtapos naman ang quarantine period.
Suno kay Escalante, wala naman sang luyag nga magpaassign sa healing center sang syudad agud nga magbulos sa mga frontliners.
Suno sa alkalde, ang mga ginaquarantine amo ang mga LSI kag mga returning residents bisan ang mga naghalin sa iban nga bahin sang Region 6.
Ginpahayag man sini nga antes pa magbaton ang LGU sang Cadiz sang LSI, matalana sila sang tatlo ka adlaw agud nga makapangdisinfect sang bilog nga healing facility bilang preparasyon sa pag-akomodar sang mga LSIs.
Suno kay Escalante, indi pa sila mag-issue sang letter of acceptance tubtob Nobyembre 30.
