Nagtanyag ang alkalde sang Cadiz City sang P20,000 nga padya sa makatudlo sa mga naglukit sang unod sang giant clams malapit sa Lakawon Island sa Barangay Cadiz Viejo.
Ang nasambit nga mga giant clams, nga ginakabig nga protected species sa idalom sang Convention on International Trade in Endangered Species (CITES), ang kabahin sang 2,449 species nga makit-an sa 9.2 hectare nga Giant Clam Village (GC Ville) nga gindeklarar sang city government nga protected area.
Natukiban ang pagkuha sang mga giant clams sa adlaw mismo sang Paskwa, December 25.
Ginpahamtangan naman sang marker bouys sa baybayon nga sakop sang Lakawon Marine Protected Area (MPA) sa Cadiz City.
Padayon pa sa karun ang pagpangita sang mga otoridad sa responsable sa pagkawat sang giant clams.
