Gin-athag sang alkalde sa Cadiz City nga sila ang nagtukod sang Cadiz City Medical Center bangod sa nagagutok nga pasyente sa Cadiz City District Hospital ukon anay St. Anne Medical Center.
Nahibaluan nga ginpatigayon ang groundbreaking ceremony sang Cadiz City Medical Center sang Lunes, Enero 20.
Sa intreview sang Bombo Radyo Bacolod kay Cadiz City Mayor Salvador “Bading” Escalante, sumugod sang ginhimo nga referral hospital para sa bilog nga Northern Negros ang Cadiz City District Hospital masami na nga nagakapuno ang bed capacity.
Bangod sini, nagaka-atrasar ang benepisyo nga mabatun sang Cadiznon gikan sa City Healthcare Program.
Agud sila ang indi na magdugang pa sa kadamuon sang pasyente sang Cadiz City District Hospital ginpakamaayo nila nga magtukod sang Cadiz City Medical Center.
Ang proyekto nga may budget nga P270 million, ang two-storey nga may 50 bed capacity.
Suno kay Escalante, medyo modern ang pasilidad kag may-ara sang operating room, x-ray, kag iban pa; samtang may-ara man sang ginapreparar nga dialysis wing, apang ini ang wala pa madala sa budget.
