Nagpanindugan ang pamunuan sang Cadiz City Police Station nga wala sang abduction nga natabo sa ciudad.
Sa interview sang Bombo Radyo Bacolod kay Police Lt. Lovella Cordova, Deputy Chief of Police sang Cadiz City Police Station, ulihi nga nakita ang 17 anyos ang nagakaon kag duha na ka adlaw nga wala nakapauli rason nga nakahambal ang ginikanan nga gin-abduct ini.
Apang ini ang wala gin-abduct sabaylo ini ang nagkadto sa Crossing Cadiz kaupod ang nobyo.
Suno kay Cordova, ang menor de edad ang residente man sang Caduhaan, Cadiz City apang temporaryo nga nagatinir sa ciudad sang Bacolod.
Suno diri, may hearing kuntani nga tambungan ang menor de edad sa ginfile nga kaso batok sa isa man ka minor.
Suno kay Cordova, ang gin-alegar nga suspek kaupod ang katapo sang Department of Justice ang nagkadto man sa police station agud nga klaruhon ang pangalan sini.
Dugang pa sini nga ang bata ang naghimo-himo sang estorya agud nga magbalos sa alleged suspek.
Panugyan ni Cordova, tul-idon gid anay ang matuod nga natabo antes magreak kag likawan gid ang pagpost sa social media nga makahatag sang kakugmat sa sosyodad.
