Nakahunong na sa Moises Padilla Municpal Police Station ang CAFGU Active Auxiliary (CAA) member nga nagpaarak sang tiro sa mag-amay nga sanday sanday Godofredo Templatura, 70 anyos kag John Albert Templatura, 32 anyos sa Barangay Montilla, sa banwa sang Moises Padilla sang Martes.
Suno sa suspestado nga si CAA Donan Sosia, 32 anyos residente sa Barangay Macagahay sa nasambitan nga banwa, nangayo sang bulig ang barangay angot sa mag-amay nga naga-eskandalo bangod nga yara sa impluwensya sang makahulubog nga ilimnon.
Suno diri, sa una nga pagresponder natapos na ang komosyon kag ini nagbalik na sa ila nga patrol desk apang liwat nga nagtawag sang bulig ang barangay kag liwat man sini nga ginbalikan ang area kag gin-esturya pa sini si John Albert apang wala man ini nagpapierde.
Hinali nga nagtindog ang biktima kag naggabot sang iya binangon kag nag-attempt nga manglabo, apang antes pa man sini, naghana man si Sosia sang iya service firearms nga M16 rifle agud kun tani pahugon lang sini ang biktima.
Samtang ang amay naman nga nagpalapit ang ginluthang man sini sa kahangawa nga siya maagawan sang armas.
Nagapanindugan ang CAFGU Active Auxiliary (CAA) member nga self defense lamang ang ginhimo sini.
