BACOLOD CITY-Wala pa sa gihapon nakilal-an ang duha ka ginapatihan miembro sang CPP-NPA terrorists nga napatay kasunod sang harassment sa detachment sang CAFGU sa Sta, Catalina, Negros Oriental.
Mga alas-4:55 kaina sang kaagahon sang ginpaulanan sang bala sang kapin sa napulo ka miembro sang ginapatihan rebelde ang Special CAFGU Active Auxiliaries (SCAA) Patrol Base sa Sitio Kakha, Brgy. Talatak sa kalayuon nga 300 metros.
Gilayon naman nga nagbalos ang SCAA members sa pagpamuno ni Corporal Rainier Artieda, Assistant Detachment Commander.
Matapos nagbalos ang tropa sang gobyerno gilayon nga nagpalagyo ang mga rebelde kag nabilin ang duha nila ka upod nga napatay kalakip na ang pila ka mga armas kag bala.
Narekober naman sa ginpwestuhan sang mga rebelde ang isa ka long kag duha ka short magazines sang M16, 25 ammos sang M16, 3 ammos sang M14, isa ka granada, 1 empty shell sang M203, bandolier, assorted medicine, sling bag kag bull cap.
