Gintugutan na ni President Rodrigo Duterte ang paghatag sang dugang nga monthly financial support sa mga miyembro sang Citizen Armed Forces Geographical Unit (CAFGU).
Santo sa Executive Order 94 nga ginrelease sang Malacañang sang Huwebes, tagsa ka miyembro sang CAFGU ang pagahatagan sang P2000 monthly allowance humalin July 2019.
Suno sa Executive Order, ang mga gin-appoint lang nga miyembro sang CAFGU Active Auxillary (CAA) units nga yara sa roster sang Armed Forces of the Philippines (AFP) kag nagarender sang serbisyo ang pagahatagan sang cash support.
Nagmando naman si Duterte sa Department of Budget and Management kag Department of National Defense nga magpagwa sang guidelines sa pagpatuman sang EO sa mas madali nga panahon.
Nagligad nga tuig, ginhatagan ni Duterte ang kada miyembro sang CAA units sang financial support nga P7000 kada bulan para sa bulan sang Nobyembre kag Disyembre.
Suno sa Presidente, ang CAA units ang nagasuporta sa AFP sa paghatag sang vital military intelligence, pag-intra sa traditional kag non-traditional military operations, pagbantay sa mga conflict-affected communities kag ang una nga mga responders sa mga natural disasters.
