Nagpagwa ang Commission on Elections sang calendar of activities para sa 2025 midterm elections.
Sa interview kay Negros Occidental Provincial Election Officer Atty. Ian Lee Ananoria, importante nga madumduman sang publiko nga ang deadline sang voters registration, magpatransfer ukon magpareactivate amo sa September 30.
Suno kay Ananoria ang October 1 tubtob October 8 amo ang filing sang Certificate of Candidacy kasubong man ang filing of COC on substitute sang mga nagfile sang withdrawal sa COMELEC Office.
Apang suno kay Ananoria, ginahulat pa sini ang official nga resolution angot sa filing of COC on substitute sang mga nagfile sang withdrawal sa COMELEC Office.
Ang election period ang magaumpisa sa January 12, 2025 tubtob sa June 11 kalakip na ang gun ban kag iban pa.
Ang mga kandidato para sa Senado kag party-list system ang official nga ginatugutan nga magkampanya umpisa sa February 11, samtang ang local aspirants ang mahimo nga makakampanya sa Marso 28.
Ang campaign period ang magatapos sa May 10.
Ang mga kandidato ang indi naman mahimo makakampanya sa Hwebes Santo kag Biyernes Santo.
Sa May 11 ipatuman ang liquor ban kag sa May 12 ang election Day samtang sa June 11, 2025 ang Last day sa pagfile sang statement of contributions and expenditures ukon SOCE.
