Ginpahayag ni Cambodian Prime Minister Hun Manet nga preparado ang iya pungsod nga magbulig sa pag-address sang food security issues sa Pilipinas paagi sa paghatag sang dugang nga supply sang bugas kag iban pa nga produkto.
Suno kay Cambodian Prime Minister Hun Manet, preparado ang iya pungsod sa pagcontribute sa food security sang Pilipinas paagi sa rice supply kasubong man sa iban pa nga food products.
Isa ka adlaw antes ang meeting ni Hun kaupod kay Marcos Jr., nakigkita ang Cambodian prime minister sa Filipino business leaders agud imbitahon ang mga ini nga mag-invest sa rice production agud ma-improve ang value chains.
Ginpasalamatan ni Marcos Jr. ang Cambodian leader sa pagpatigayon sang business forum kag ginpahayag nga ini ang nagfacilitate sang fruitful networking opportunities sa tunga sang pribado nga sektor.
Suno sa Presidente, nagakakit-an man sini ang Cambodia bilang isa ka importante nga partner sa pagsiguro sang food security.
