Nangin malinong naman ang ginpatigayon nga kick off sang campaign rallies sang magtimbang nga grupo sang kandidato sa ciudad sang Bacolod.
Sa interview sang Bombo Radyo Bacolod kay Bacolod City Election Officer Atty Revo Sorbito, wala man ini sang nakita nga problema kag orderly man ang pagpatigayon sang kick off rally.
Suno kay Sorbito nga sa peace and order wala man problema bangud ang Bacolod City Police Office ang nagdeploy sang mga kapulisan agud nga magbantay sa mga rally areas.
Panugyan sang election officer sa mga kandidato nga iremind ang mga supporters nga magpangkampanya sang matawhay kasubong man sa mga supporters nga dapat sundon ang tanan nga guidelines kag panugyan sang ginasuportahan nga kandidato.
Padayon man ang pagpatigayon sang mga ini sang operasyon Baklas.
